"Barselona" "Napoli" himoyachisi Kalidu Kulibali uchun kurashda peshqadamlik qilmoqda, deya xabar beradi Football Espana.

Manbaga ko‘ra, "ko‘k-anorranglilar"ning moliyaviy muammolariga qaramay, transfer amalga oshishi mumkin.

Oldinroq 30 yoshli senegallik futbolchiga "Yuventus", "PSJ", "Chelsi" va "Manchester Yunayted"dan qiziqish borligi haqida xabarlar tarqalgan edi.

Kulibalining amaldagi shartnomasi 2023 yilning iyunida yakuniga yetadi.

2021/22 yilgi mavsumda himoyachi barcha turnirlarda 34 ta o‘yin o‘tkazib, 3 ta gol urdi va 3 ta golli uzatmani amalga oshirdi.