Madridning “Real” klubi yozda himoyachi Ferlan Mendi bilan xayrlashishga tayyor, deya xabar beradi Defence Central.

Manbaga ko‘ra, “qaymoqranglilar” 27 yoshli fransiyalik futbolchini 50 million yevro evaziga sotishga tayyor. Himoyachining ispan klubi bilan amaldagi shartnomasi 2025 yilning yoziga qadar tuzilgan.

Avvalroq, futbolchi jamoaga germaniyalik himoyachi Antonio Ryudiger kelgani sababli "Real"ni tark etishga tayyorligi haqida xabar berilgandi. Mendi uchun asosiy da’vogarlar orasida "Chelsi" va "Manchester Yunayted" klublari bor.

Mendi o‘tgan mavsumda “Qirollik klubi” safida 35 ta o‘yinda maydonga tushib, 2 ta gol urdi va 5 ta golli uzatmani amalga oshirdi.