Мадриднинг “Реал” клуби ёзда ҳимоячи Ферлан Менди билан хайрлашишга тайёр, дея хабар беради Defence Central.
Манбага кўра, “қаймоқранглилар” 27 ёшли франциялик футболчини 50 миллион евро эвазига сотишга тайёр. Ҳимоячининг испан клуби билан амалдаги шартномаси 2025 йилнинг ёзига қадар тузилган.
Аввалроқ, футболчи жамоага германиялик ҳимоячи Антонио Рюдигер келгани сабабли "Реал"ни тарк этишга тайёрлиги ҳақида хабар берилганди. Менди учун асосий даъвогарлар орасида "Челси" ва "Манчестер Юнайтед" клублари бор.
Менди ўтган мавсумда “Қироллик клуби” сафида 35 та ўйинда майдонга тушиб, 2 та гол урди ва 5 та голли узатмани амалга оширди.
