Italiyalik mutaxassis Andrea Pirlo nima uchun Turkiyaning "Fotih Karagumruk" klubi bosh murabbiyi bo‘lishga rozi bo‘lganini aytdi. Tomonlar bir mavsumga mo‘ljallangan shartnoma imzolashdi.
Pirloning murabbiy sifatidagi birinchi ishi "Yuventus"da bo‘lgan, u yerdan 2021 yilning may oyida ishdan bo‘shatilgan.
“Bir yillik tanaffusdan so‘ng ishimni davom ettirish men uchun muhim. Men Italiyada ham, xorijda ham boshqa jamoalar bilan ko‘p suhbatlar o‘tkazdim, ammo aynan shu klubning ambisiyalari meni bu yerga kelishga ishontirdi. Maqsadlarimiz bir”, - dedi 43 yoshli mutaxassis matbuot anjumanida.
O‘tgan mavsumda "Fotih Karagumruk" Turkiya chempionatida 8-o‘rinni egallagan edi.
