Италиялик мутахассис Андреа Пирло нима учун Туркиянинг "Фотиҳ Карагумрук" клуби бош мураббийи бўлишга рози бўлганини айтди. Томонлар бир мавсумга мўлжалланган шартнома имзолашди.
Пирлонинг мураббий сифатидаги биринчи иши "Ювентус"да бўлган, у ердан 2021 йилнинг май ойида ишдан бўшатилган.
“Бир йиллик танаффусдан сўнг ишимни давом эттириш мен учун муҳим. Мен Италияда ҳам, хорижда ҳам бошқа жамоалар билан кўп суҳбатлар ўтказдим, аммо айнан шу клубнинг амбициялари мени бу ерга келишга ишонтирди. Мақсадларимиз бир”, - деди 43 ёшли мутахассис матбуот анжуманида.
Ўтган мавсумда "Фотиҳ Карагумрук" Туркия чемпионатида 8-ўринни эгаллаган эди.
