Madridning “Real” klubi yarim himoyachisi Luka Modrich Xorvatiyada 2021/22 yilgi mavsumning eng yaxshi futbolchisi deb topildi.

36 yoshli yarim himoyachi sovrinni Xorvatiya chempionati murabbiylari va futbolchilari o‘rtasidagi ovoz berish natijalariga ko‘ra oldi.

Modrich bu sovrinni faoliyatida 10-marta va qatorasiga 6-marta qo‘lga kiritdi.

Bu yil yarim himoyachi Madrid klubi tarkibida Ispaniya chempioni, Chempionlar ligasi va mamlakat Superkubogi sohibiga aylandi.

Modrich o‘tgan mavsumda "Real" safida 45 ta o‘yinda maydonga tushib, 3 ta gol urdi va 12 ta golga assistentlik qildi.