Мадриднинг “Реал” клуби ярим ҳимоячиси Лука Модрич Хорватияда 2021/22 йилги мавсумнинг энг яхши футболчиси деб топилди.
36 ёшли ярим ҳимоячи совринни Хорватия чемпионати мураббийлари ва футболчилари ўртасидаги овоз бериш натижаларига кўра олди.
Модрич бу совринни фаолиятида 10-марта ва қаторасига 6-марта қўлга киритди.
Бу йил ярим ҳимоячи Мадрид клуби таркибида Испания чемпиони, Чемпионлар лигаси ва мамлакат Суперкубоги соҳибига айланди.
Модрич ўтган мавсумда "Реал" сафида 45 та ўйинда майдонга тушиб, 3 та гол урди ва 12 та голга ассистентлик қилди.
