Angliya terma jamoasi sardori Xarri Keyn Millatlar ligasi doirasidagi Vengriyadan uchralgan yirik mag‘lubiyat (0:4) haqida fikr bildirdi.

«Tushkunlikka soluvchi oqshom. Birinchi bo‘limda gol urish uchun yetarlicha vaziyatlar yaratdik, ammo bu Millatlar Ligasida biz uchun voqealar shunday rivojlanyapti — vaziyatlardan foydalanishda qiynalyapmiz.

Hisob 0:2 bo‘lganida, shunchaki rasvo o‘ynadik. Hozir vahima qilish vaqti emas. Sentyabrda boshimizni ko‘tarib, kuchliroq bo‘lib qaytishimiz kerak. Bizning uzoq vaqtdan beri birinchi yirik mag‘lubiyatimiz. Himoyaviy taktikaga o‘tsak, balki hammasi o‘nglanar. Bu tunni unutish kerak. Oldinga intilishda davom etib, 2022 yilgi jahon chempionatiga tayyorgarlik ko‘ramiz va bu o‘yinlardan saboq olamiz», — deydi Angliya terma jamoasi va «Tottenhem» klubi hujumchisi.

Ma’lumot uchun, Angliya Millatlar Ligasida o‘z guruhida so‘nggi pog‘onani egallab turibdi.