Англия терма жамоаси сардори Харри Кейн Миллатлар лигаси доирасидаги Венгриядан учралган йирик мағлубият (0:4) ҳақида фикр билдирди.

«Тушкунликка солувчи оқшом. Биринчи бўлимда гол уриш учун етарлича вазиятлар яратдик, аммо бу Миллатлар Лигасида биз учун воқеалар шундай ривожланяпти — вазиятлардан фойдаланишда қийналяпмиз.

Ҳисоб 0:2 бўлганида, шунчаки расво ўйнадик. Ҳозир ваҳима қилиш вақти эмас. Сентябрда бошимизни кўтариб, кучлироқ бўлиб қайтишимиз керак. Бизнинг узоқ вақтдан бери биринчи йирик мағлубиятимиз. Ҳимоявий тактикага ўтсак, балки ҳаммаси ўнгланар. Бу тунни унутиш керак. Олдинга интилишда давом этиб, 2022 йилги жаҳон чемпионатига тайёргарлик кўрамиз ва бу ўйинлардан сабоқ оламиз», — дейди Англия терма жамоаси ва «Тоттенҳэм» клуби ҳужумчиси.

Маълумот учун, Англия Миллатлар Лигасида ўз гуруҳида сўнгги поғонани эгаллаб турибди.