"Bavariya" "Liverpul" hujumchisi Sadio Mane bilan futbolchini o‘z safiga qo‘shib olish bo‘yicha og‘zaki kelishuvga erishdi, deya xabar beradi jurnalist Fabrisio Romano.
Manbaning xabariga ko‘ra, nemis klubi 30 yoshli senegallik uchun 3 yillik shartnoma tayyorlab qo‘ygan.
"Bavariya" faqatgina "Liverpul" bilan transfer summasini kelishib olishi mumkin, ingliz jamoasi esa Mane faoliyatini Myunxenda davom ettirish istagidan xabardor.
Mane 2016 yilning iyulidan buyon "Liverpul"da to‘p tepadi. 2021/22 yilgi mavsumda hujumchi jamoasi safida 51 ta o‘yinda maydonga tushib, 23 ta gol urdi va 5 ta golli uzatmani amalga oshirdi. Transfermarkt.com portali futbolchini 80 million yevroga baholamoqda.
