"Бавария" "Ливерпуль" ҳужумчиси Садио Мане билан футболчини ўз сафига қўшиб олиш бўйича оғзаки келишувга эришди, дея хабар беради журналист Фабрицио Романо.
Манбанинг хабарига кўра, немис клуби 30 ёшли сенегаллик учун 3 йиллик шартнома тайёрлаб қўйган.
"Бавария" фақатгина "Ливерпуль" билан трансфер суммасини келишиб олиши мумкин, инглиз жамоаси эса Мане фаолиятини Мюнхенда давом эттириш истагидан хабардор.
Мане 2016 йилнинг июлидан буён "Ливерпул"да тўп тепади. 2021/22 йилги мавсумда ҳужумчи жамоаси сафида 51 та ўйинда майдонга тушиб, 23 та гол урди ва 5 та голли узатмани амалга оширди. Transfermarkt.com портали футболчини 80 миллион еврога баҳоламоқда.