"Barselona" hali ham "Chelsi" himoyachisi Sezar Aspilikuetani o‘z safiga qo‘shib olmoqchi, deb yozmoqda jurnalist Fabrisio Romano o‘zining Twitter sahifasida.
Bu transferni kataloniyaliklar bosh murabbiyi Xavi talab qilmoqda, u Dani Alvesh ketganidan keyin o‘ng qanot himoyachisi pozisiyasini mustahkamlamoqchi. Biroq, "Chelsi" bosh murabbiyi Tomas Tuxel Aspilikuetani klubda qolishga ko‘ndirmoqchi.
Himoyachining “Chelsi” bilan shartnomasi 2023 yilning iyuniga qadar amal qiladi. 32 yoshli ispaniyalik o‘tgan mavsumda London klubi safida 47ta o‘yinda maydonga tushib, 3ta gol urgan va 3ta golga assistentlik qilgan.
