"Барселона" ҳали ҳам "Челси" ҳимоячиси Сезар Аспиликуэтани ўз сафига қўшиб олмоқчи, деб ёзмоқда журналист Фабрицио Романо ўзининг Twitter саҳифасида.
Бу трансферни каталонияликлар бош мураббийи Хави талаб қилмоқда, у Дани Алвеш кетганидан кейин ўнг қанот ҳимоячиси позициясини мустаҳкамламоқчи. Бироқ, "Челси" бош мураббийи Томас Тухель Аспиликуэтани клубда қолишга кўндирмоқчи.
Ҳимоячининг “Челси” билан шартномаси 2023 йилнинг июнига қадар амал қилади. 32 ёшли испаниялик ўтган мавсумда Лондон клуби сафида 47та ўйинда майдонга тушиб, 3та гол урган ва 3та голга ассистентлик қилган.