"Arsenal" "Manchester Siti" hujumchisi Gabriel Jezus transferi uchun 60 million yevro to‘lashga tayyor, deb xabar beradi The Times.
Manbaga ko‘ra, "shaharliklar" bu taklifdan mamnun. Katta ehtimol bilan klub futbolchi bilan xayrlashishga rozi bo‘ladi. Jezusning o‘zi anchadan beri jamoasini o‘zgartirishga urinayotgan edi.
Joriy mavsumda futbolchi “Manchester Siti” safida 41 ta o‘yin o‘tkazib, 13 ta gol urdi va 12 ta golli uzatmani amalga oshirdi.
Uning shartnomasi 2023 yilning iyunigacha amal qiladi. Transfermarkt portali hujumchini 50 million yevroga baholamoqda.
