"Barselona" prezidenti Joan Laporta himoyachi Jerar Pikeni qo‘llab-quvvatlashga va’da berdi. Bir necha kun oldin futbolchi xonanda Shakira bilan ajrashgan edi.
“Pike azob chekmoqda. Futbolchilar ham odamlar. Uning shaxsiy hayotida hozir vaziyat yoqimli emas. Yaqinda u bilan gaplashdim va u o‘zini futbolga bag‘ishlagan. Yangilikka e’tibor bermang, men uni shaxsan bilganimdan baxtiyorman va biz unga barcha kerakli yordamni beramiz", - deya Laportaning so‘zlarini keltiradi Marca.
Iyun oyi boshida Pike va kolumbiyalik qo‘shiqchi Shakira ajrashgani ma’lum bo‘ldi.
Pikening "Barselona" bilan shartnomasi 2024 yilgacha mo‘ljallangan. O‘tgan mavsumda himoyachi barcha musobaqalarda 39 ta o‘yinda maydonga tushib, 3 ta gol urishga erishgan.
