"Барселона" президенти Жоан Лапорта ҳимоячи Жерар Пикени қўллаб-қувватлашга ваъда берди. Бир неча кун олдин футболчи хонанда Шакира билан ажрашган эди.
“Пике азоб чекмоқда. Футболчилар ҳам одамлар. Унинг шахсий ҳаётида ҳозир вазият ёқимли эмас. Яқинда у билан гаплашдим ва у ўзини футболга бағишлаган. Янгиликка эътибор берманг, мен уни шахсан билганимдан бахтиёрман ва биз унга барча керакли ёрдамни берамиз", - дея Лапортанинг сўзларини келтиради Marca.
Июнь ойи бошида Пике ва колумбиялик қўшиқчи Шакира ажрашгани маълум бўлди.
Пикенинг "Барселона" билан шартномаси 2024 йилгача мўлжалланган. Ўтган мавсумда ҳимоячи барча мусобақаларда 39 та ўйинда майдонга тушиб, 3 та гол уришга эришган.
