"Nyukasl" klubi "Byornli" darvozaboni Nik Poupni o‘z safiga qo‘shib olmoqchi, deya xabar beradi Daily Mail.

Manbaning xabariga ko‘ra, klub Martin Dubravka bilan raqobatlashish uchun yana bir darvozabon sotib olmoqchi.

Xabarlarga ko‘ra, Poupga turli klublardan takliflar bo‘lgan. Biroq uning o‘ziga "Nyukasl" taklifi yoqib tushgan.

30 yoshli darvozabon 2016 yildan beri “Byornli” safida to‘p tepadi. Angliyalik futbolchining klub bilan shartnomasi 2023 yilning 30 iyuniga qadar amal qiladi.

O‘tgan mavsumda kiper barcha musobaqalarda 39 ta o‘yinda maydonga tushib, 51 ta gol o‘tkazib yuborgan.