"Yuventus" argentinalik qanot hujumchisi Anxel Di Mariyaga yangi shartnoma taklif qiladi. Bu haqda jurnalist Janluka Di Marsio o‘z saytida xabar bermoqda.

Manbaning xabariga ko‘ra, turinliklar 34 yoshli vinger bilan yana bir mavsumga uzaytirish imkoniyati bilan bir yillik shartnoma imzolashga tayyor. "Yuve" Di Mariya 2023 yilda vataniga qaytishni istayotganini tushunadi, shu bois u bilan 2 yillik shartnoma imzolashni rejalashtirmayapti.

Eslatib o‘tamiz, Anxelga "Barselona" ham qiziqish bildirmoqda. Di Mariyaning o‘zi Ispaniyaga ko‘chib o‘tishni afzal ko‘rgan oilasi bilan kelajagini muhokama qilishda davom etmoqda.

Futbolchi ayni damda erkin agent maqomida. Di Mariya o‘tgan mavsumda "PSJ" safida 31 ta o‘yinda maydonga tushib, 5 ta gol urdi va 9 ta golga assistentlik qildi.