"Ювентус" аргентиналик қанот ҳужумчиси Анхель Ди Марияга янги шартнома таклиф қилади. Бу ҳақда журналист Жанлука Ди Марцио ўз сайтида хабар бермоқда.
Манбанинг хабарига кўра, туринликлар 34 ёшли вингер билан яна бир мавсумга узайтириш имконияти билан бир йиллик шартнома имзолашга тайёр. "Юве" Ди Мария 2023 йилда ватанига қайтишни истаётганини тушунади, шу боис у билан 2 йиллик шартнома имзолашни режалаштирмаяпти.
Эслатиб ўтамиз, Анхелга "Барселона" ҳам қизиқиш билдирмоқда. Ди Мариянинг ўзи Испанияга кўчиб ўтишни афзал кўрган оиласи билан келажагини муҳокама қилишда давом этмоқда.
Футболчи айни дамда эркин агент мақомида. Ди Мария ўтган мавсумда "ПСЖ" сафида 31 та ўйинда майдонга тушиб, 5 та гол урди ва 9 та голга ассистентлик қилди.
