Hujumchi Sadio Mane "Liverpul"dan "Bavariya"ga o‘tadi. Yaqin kelajakda tomonlar o‘rtasida muzokaralarning yangi bosqichi bo‘lib o‘tadi, unda yakuniy tafsilotlar tasdiqlanishi kerak, deya xabar beradi insayder Fabrisio Romano.
Nemis klubi 30 yoshli senegallik uchun 3 yillik shartnoma tayyorlab qo‘ygan.
"Bavariya" faqatgina "Liverpul" bilan transfer summasini kelishib olishi mumkin, ingliz jamoasi esa Mane faoliyatini Myunxenda davom ettirish istagidan xabardor.
Sadio 2016 yilning iyulidan buyon "Liverpul"da to‘p tepadi. 2021/22 yilgi mavsumda hujumchi jamoasi safida 51 ta o‘yinda maydonga tushib, 23 ta gol urdi va 5 ta golli uzatmani amalga oshirdi. Transfermarkt.com portali futbolchini 80 million yevroga baholamoqda.
