Ҳужумчи Садио Мане "Ливерпуль"дан "Бавария"га ўтади. Яқин келажакда томонлар ўртасида музокараларнинг янги босқичи бўлиб ўтади, унда якуний тафсилотлар тасдиқланиши керак, дея хабар беради инсайдер Фабрицио Романо.
Немис клуби 30 ёшли сенегаллик учун 3 йиллик шартнома тайёрлаб қўйган.
"Бавария" фақатгина "Ливерпуль" билан трансфер суммасини келишиб олиши мумкин, инглиз жамоаси эса Мане фаолиятини Мюнхенда давом эттириш истагидан хабардор.
Садио 2016 йилнинг июлидан буён "Ливерпул"да тўп тепади. 2021/22 йилги мавсумда ҳужумчи жамоаси сафида 51 та ўйинда майдонга тушиб, 23 та гол урди ва 5 та голли узатмани амалга оширди. Transfermarkt.com портали футболчини 80 миллион еврога баҳоламоқда.
