Dortmundning "Borussiya" klubi yarim himoyachisi Jud Bellingemga "Liverpul" qiziqish bildirmoqda, deya xabar beradi Liverpool Echo.
Mersisaydliklar bu transferni shu yozning o‘zidayoq amalga oshirish niyatida.
Yaqinda futbolchiga "Manchester Yunayted" ham da’vogar ekani xabar qilingandi.
Futbolchining nemis klubi bilan shartnomasi 2025 yilgacha mo‘ljallangan. 18 yoshli Bellingem 2020 yilda "Borussiya D" bilan shartnoma imzolagan edi.
O‘tgan mavsum - 2021/2022 yilda yarim himoyachi 44 ta o‘yinda qatnashib, 6 ta gol urdi va 14 ta golli uzatmani amalga oshirdi.