"Bavariya" sport direktori Hasan Salihamidjich "Liverpul" hujumchisi Sadio Manening transferini tasdiqladi.
"Ha, uning transferi amalga oshmoqda", - dedi Salihamidjich Sky Sports Deutschland telekanaliga.
Nemis klubi 30 yoshli senegallik uchun 42,5 million funt, deyarli 50 million yevro to‘laydi. Bu miqdor "Liverpul"ning so‘rovlariga mos keladi.
Oldinroq futbolchi keyingi haftada tibbiy ko‘rikdan o‘tishi haqida xabar berilgandi. "Bavariya" allaqachon uch yillik shartnoma tayyorlab qo‘ygan.