"Real" hujumchisi Karim Benzema "Real" bilan yangi shartnoma imzolash arafasida. Bu haqda italiyalik jurnalist Nikolo Shkira ijtimoiy tarmoqlarda xabar berdi.
Qayd etilishicha, fransiyalik futbolchi jamoa bilan 2024 yilgacha yangi shartnoma imzolaydi. Hujumchining amaldagi shartnomasi kelasi mavsum oxirigacha amal qiladi.
Benzema o‘tgan mavsumda La Liga va Chempionlar Ligasining eng yaxshi to‘purari bo‘lgan edi. Fransiyalik futbolchi ayni damda “Oltin to‘p”ning asosiy favoriti hisoblanadi.