"Реал" ҳужумчиси Карим Бензема "Реал" билан янги шартнома имзолаш арафасида. Бу ҳақда италиялик журналист Николо Шкира ижтимоий тармоқларда хабар берди.
Қайд этилишича, франциялик футболчи жамоа билан 2024 йилгача янги шартнома имзолайди. Ҳужумчининг амалдаги шартномаси келаси мавсум охиригача амал қилади.
Бензема ўтган мавсумда Ла Лига ва Чемпионлар Лигасининг энг яхши тўпурари бўлган эди. Франциялик футболчи айни дамда “Олтин тўп”нинг асосий фаворити ҳисобланади.