O‘zbekiston U-23 terma jamoasi sardori va Jasurbek Jaloliddinov final oldidan tashkil etilgan matbuot anjumanida ishtirok etishdi.

— Maqsadimizgacha bir qadam qoldi. Avvaldan aytib keldik, maqsadimiz eng yuqori, deb. Bu marra uchun bor kuchimiz bilan harakat qilamiz.

Ertaga kubokni yutish yoki Olimpiada yo‘llanmasini qo‘lga kiritish
— Biz ikkalasini ham qo‘lga kiritamiz.

Final o‘yini haqida
— Birinchi galda maydonda raqiblardan kelib chiqib, o‘zimizni o‘yinimizni quramiz. Ertaga kim gol urishi, qanday masofadan to‘p kiritishi muhim emas. Muhimi ertaga g‘alaba qozonish.

To‘purarlik haqida
— Eng yaxshi to‘purar maqomi men uchun ahamiyatsiz. Biz uchun jamoaviy natija muhim.

Bu musobaqaning shaxsiy faoliyat uchun ahamiyati
— To‘g‘ri, omillar bo‘lishi mumkin. Biroq biz asosiy e’tiborimizni jamoaviy maqsadga qaratganmiz. Xalqimizni quvonchi uchun harakat qildik. Odamlarni futbolga bo‘lgan muhabbatini yanada oshirish yo‘lida to‘p surayapmiz. Ertaga boshlagan hikoyamizni chiroyli yakunlash niyatidamiz.