"Barselona" yarim himoyachi Gavi bilan shartnomani uzaytirishga yaqin turibdi. Biroq tomonlar 17 yoshli yarim himoyachining yangi shartnoma summasi borasida haligacha kelishib olishmagan, deb xabar beradi Mundo Deportivo.
Manbaga ko‘ra, Gavi uchun tovon puli 1 milliard yevroni tashkil qiladi va yarim himoyachi besh yillik shartnoma imzolaydi.
Gavi 2021 yildan beri "Barselona"ning asosiy jamoasida o‘ynamoqda. Joriy mavsumda yarim himoyachi ispaniyaliklarning 33 ta uchrashuvida qatnashib, 2 ta gol urdi va 5 ta golli uzatmani amalga oshirdi.
Gavining klub bilan amaldagi shartnomasi 2023 yilning yozida yakuniga yetadi.
