"Барселона" ярим ҳимоячи Гави билан шартномани узайтиришга яқин турибди. Бироқ томонлар 17 ёшли ярим ҳимоячининг янги шартнома суммаси борасида ҳалигача келишиб олишмаган, деб хабар беради Mundo Deportivo.
Манбага кўра, Гави учун товон пули 1 миллиард еврони ташкил қилади ва ярим ҳимоячи беш йиллик шартнома имзолайди.
Гави 2021 йилдан бери "Барселона"нинг асосий жамоасида ўйнамоқда. Жорий мавсумда ярим ҳимоячи испанияликларнинг 33 та учрашувида қатнашиб, 2 та гол урди ва 5 та голли узатмани амалга оширди.
Гавининг клуб билан амалдаги шартномаси 2023 йилнинг ёзида якунига етади.
