“Roma” hujumchisi Temmi Abraxam Angliyaga qaytishi mumkin.
Corriere dello Sport xabariga ko‘ra, 24 yoshli futbolchini sotib olish ustida kamida uchta Premyer-liga jamoasi ishlamoqda. Hujumchini qo‘lga kiritish uchun kurashda "Manchester Yunayted" va "Arsenal" yetakchilik qilmoqda.
Biroq manbaning ta’kidlashicha, "Roma" bosh murabbiyi Joze Mourinyo o‘zining eng yaxshi futbolchisi bilan xayrlashmoqchi emas.
Forvard o‘tgan mavsumda “Roma” safida barcha turnirlar doirasida 53 ta o‘yinda maydonga tushib, 27 ta gol urdi va 5 ta golga assistentlik qildi.