"Chelsi" "Torino" himoyachisi Bremerga qiziqish bildirmoqda va braziliyalik futbolchi uchun allaqachon taklif bilan chiqqan. Bu haqda jurnalist Janluka Di Marsio o‘z saytida xabar berdi.
Manbaga ko‘ra, 25 yoshli Bremer Antonio Ryudiger va Andreas Kristensen ketganidan keyin "Chelsi"ning asosiy maqsadiga aylandi.
Italiya chempionatining so‘nggi mavsumida Bremer o‘z pozisiyasida liganing eng yaxshi futbolchisi deb tan olingandi.
2021/2022 yilgi mavsumda Italiya A seriyasida 33 ta o‘yinda himoyachi 3 ta gol urdi va bitta golli uzatmani amalga oshirdi.
