"Manchester Siti" klubi hujumchi Raxim Sterlingni "Chelsi"ga sotishdan bosh tortdi, deya xabar beradi jurnalist Fabrisio Romano.
Manbaga ko‘ra, "Siti"ni 27 yoshli angliyalik uchun taklif qilingan pul qoniqtirmagan - London klubi 25 million yevro taklif qilgan. Manchester klubi futbolchi uchun 55-60 million yevro olmoqchi.
O‘tgan mavsumda Sterling "Manchester Siti" tarkibida 47 ta o‘yinda maydonga tushib, 17 ta gol urdi va 5 ta golga assistentlik qildi. Transfermarkt portali futbolchining narxini 70 million yevroga baholamoqda.