"Manchester Yunayted"ni shartnomasi tugashi munosabati bilan tark etgan taniqli urugvaylik markaziy hujumchi Edinson Kavani hali yangi jamoasi borasida bir qarorga kelmagan.
“Menga Yevropa klublaridan bir nechta takliflar bor. Menga Braziliya va Argentina chempionatlari ham qiziq. Ammo hozir men ta’tildan zavqlanishni xohlayman, keyin esa barcha variantlarni ko‘rib chiqaman. Hozircha hech narsa hal qilingani yo‘q», - dedi Kavani Corriere dello Sport bilan suhbatda.
35 yoshli to‘purar Angliya premer-ligasida o‘tgan mavsumda "qizil iblislar" safida 15 o‘yinda maydonga tushdi. Edinson ikkita gol va bitta golli uzatmani amalga oshirdi.