"Манчестер Юнайтед"ни шартномаси тугаши муносабати билан тарк этган таниқли уругвайлик марказий ҳужумчи Эдинсон Кавани ҳали янги жамоаси борасида бир қарорга келмаган.
“Менга Европа клубларидан бир нечта таклифлар бор. Менга Бразилия ва Аргентина чемпионатлари ҳам қизиқ. Аммо ҳозир мен таътилдан завқланишни хоҳлайман, кейин эса барча вариантларни кўриб чиқаман. Ҳозирча ҳеч нарса ҳал қилингани йўқ», - деди Кавани Corriere dello Sport билан суҳбатда.
35 ёшли тўпурар Англия премер-лигасида ўтган мавсумда "қизил иблислар" сафида 15 ўйинда майдонга тушди. Эдинсон иккита гол ва битта голли узатмани амалга оширди.