"Liverpul"ning yangi futbolchisi Kalvin Remsi klub bosh murabbiyi Yurgen Klopp bilan munosabatlari haqida gapirdi. Shotlandiyalik futbolchining aytishicha, "qizillar" ustozi futbol tarixidagi eng yaxshi murabbiydir.
“U ajoyib mutaxassis. Televizorda quchoqlashganini ko‘rdim, tez orada u ham meni quchoqlaydi degan umiddaman. U top-murabbiy. Ehtimol, eng yaxshisi. Shuning uchun u bilan ishlash men uchun alohida lahza bo‘ladi. Men uni ko‘rishni kuta olmayman” - dedi Remsi “Liverpul” futbolchisi sifatidagi birinchi intervyusida.
Eslatib o‘tamiz, Remsi "Liverpul"ga Shotlandiyaning "Aberdin" klubidan ko‘chib o‘tgan edi. Himoyachi o‘tgan mavsumda milliy chempionatda bitta gol urdi va to‘rtta golli uzatmani amalga oshirdi.