"PSJ" o‘tgan mavsumni "Real Sosyedad"da ijara asosida o‘tkazgan yarim himoyachisi Rafinya Alkantaradan qutulmoqchi. Bu haqda fransuz jurnalisti Adriyen Greniyer xabar berdi.
Eslatib o‘tamiz, Rafinya "PSJ"ga 2020 yilning yozida "Barselona"dan kelib qo‘shilgan edi. O‘shandan beri braziliyalik Fransiya chempionatida parijliklar safida bor-yo‘g‘i 28 ta o‘yin o‘tkazgan, shundan so‘ng u "Real Sosyedad"ga ijaraga berilgandi.
Rafinya o‘tgan mavsumda Ispaniya chempionatida atigi bitta gol urdi. "PSJ" futbolchiga potensial xaridor topilmasa, u bilan shartnomani bekor qilishi mumkin.
