"ПСЖ" ўтган мавсумни "Реал Сосьедад"да ижара асосида ўтказган ярим ҳимоячиси Рафинья Алкантарадан қутулмоқчи. Бу ҳақда француз журналисти Адриен Грениер хабар берди.
Эслатиб ўтамиз, Рафинья "ПСЖ"га 2020 йилнинг ёзида "Барселона"дан келиб қўшилган эди. Ўшандан бери бразилиялик Франция чемпионатида парижликлар сафида бор-йўғи 28 та ўйин ўтказган, шундан сўнг у "Реал Сосьедад"га ижарага берилганди.
Рафинья ўтган мавсумда Испания чемпионатида атиги битта гол урди. "ПСЖ" футболчига потенциал харидор топилмаса, у билан шартномани бекор қилиши мумкин.
