Sky Sports xabariga ko‘ra, "Vest Xem" "Chelsi" hujumchisi Armando Broyaga qiziqish bildirmoqda.
Manbaga ko‘ra, "bolg‘achilar" 20 yoshli alban uchun 30 million funt taklif qilishgan. Klub ushbu futbolchini yozgi transfer oynasida qo‘lga kiritishni ustuvor vazifa deb biladi.
Broya "Chelsi" tarbiyalanuvchisi hisoblanadi. 2021/22 yilgi mavsumda hujumchi "Sautgempton"da ijara asosida o‘ynadi, "avliyolar" safida 38 o‘yinda 9 gol va 1 golli uzatmani amalga oshirdi.
Transfermarkt.com portali futbolchining narxini 19,8 million funt deb baholamoqda.
