"Liverpul" hujumchisi Sadio Mane "Bavariya"ga o‘tish arafasida. Jurnalist Fabrisio Romano xabariga ko‘ra, senegallik Myunxenga “Bavariya” mashg‘ulotlar bazasida tibbiy ko‘rikdan o‘tish uchun yetib borgan.
Manening transfer summasi taxminan 45 million yevroni tashkil qilishi kerak. Futbolchining o‘zi "Bavariya" bilan 2026 yilgacha shartnoma imzolashi kerak. Eslatib o‘tamiz, Mane 2016 yildan buyon "Liverpul"da o‘ynab kelmoqda.