Niderlandiyaning PSV jamoasining yangi bosh murabbiyi Rud van Nistelroy Chempionlar ligasida “Real” bilan uchrashishdan bosh tortmaydi.
"Real Madrid"ning mashhur sobiq hujumchisi yangi mavsum boshidan Eyndxovenda murabbiy sifatida ishlay boshlaydi. Chempionlar ligasi guruh bosqichiga yo‘l olish uchun PSV ikki saralash bosqichidan o‘tishi kerak.
Van Nistelroy Marca nashriga bergan intervyusida: "PSV bosh murabbiyi sifatida "Bernabeu"ga qaytish ajoyib bo‘lardi. Hamma biladi, "Real Madrid" men uchun o‘zgacha klub, shuning uchun men u bilan Chempionlar ligasida uchrashishni xohlardim.
Farzandlarim va rafiqam “Bernabeu”da “Manchester Siti”ga qarshi o‘yinga tashrif buyurishdi. Ish tufayli ularga qo‘shila olmadim, lekin ular bu boqeani ko‘rganlaridan xursand bo‘lishdi”, - deydi futbolchi.