"Qizilqum" bilan bellashuvdan keyin "Paxtakor" bosh murabbiyi o‘yin xususida fikrlarini bildirdi.
- Biz uchun qiyin o‘yin bo‘ldi. Havo harorati juda yuqori edi. Ayniqsa, bu birinchi bo‘limda sezildi. Shu bilan birga tarkibdagi aksariyat futbolchilar terma jamoalardan kelib qo‘shilishgan edi. Bu o‘yinga tayyorlanish uchun 2-3 kun vaqt bo‘ldi. Buning ta’sirida birinchi bo‘limda yaxshi o‘yin ko‘rsata olmadik. Biz ikkinchi bo‘limda birlashib, kerakli natijaga erishdik. Nima xohlashimizni juda yaxshi bilamiz. Ikkita gol kiritdik. Mezbonlarga ham rahmat aytmoqchiman. Ular bizga tanaffusgacha deyarli bo‘sh hududlar qoldirishmadi.
Bizda bir necha yo‘qotishlar bo‘ldi. Sharkichda jarohat bor edi. Oliver bu jarohatni "Olimpik"ka qarshi o‘yinda orttirib oldi. Umid qilamanki, Sharkich birinchi davraning so‘nggi o‘yiniga qadar safga qaytadi. Ammo biz hali ham shikoforlar xulosasini kutmoqdamiz. Alijonovda ham jarohat bor. U terma jamoadagi oxirgi o‘yindan oldin jarohat oldi. Alijonovning tiklanish jarayoni yaxshi ketmoqda. Larin esa bugun zaxirada qoldirildi.
