"Liverpul" hujumchisi Muhammad Saloh "Sunday Times" nashri tomonidan tuzilgan xayriya qiluvchilar ro‘yxatida sakkizinchi o‘rinni egalladi.

Ingliz gazetasi xabariga ko‘ra, Misr terma jamoasi sardori so‘nggi uch yil ichida o‘z boyligining olti foizdan ko‘prog‘ini, asosan, o‘z vatanida sog‘liqni saqlashga xayriya qilgan.

“Saloh 2019 yilda Qohiradagi Milliy saraton instituti portlatilgan avtomobildan jiddiy zarar ko‘rganidan keyin tibbiy muassasaga 2,4 million funt sterling xayriya qilgan”, — deb yozadi nashr.

Saloh Qohira Milliy Saraton Institutiga xayriya yordami bilan bir qatorda, 2021 yil yozida boshlangan Kembrij universiteti stipendiyalari tashabbusida ham ishtirok etdi, bu universitetdagi qora tanli talabalar sonining 50 foizdan ko‘proq ko‘payishiga yordam berdi va ular 200 nafarga yetdi.

U uch yoki to‘rt yil davomida har bir kishi uchun 20,000 funt sterlinglik 30 ta grant taqdim etdi, bu kamida 1,8 million funt sterlingga teng.