"Manchester Siti" va Angliya terma jamoasi hujumchisi Raxim Sterling yozda jamoasini o‘zgartirishi mumkin.
"Chelsi" bosh murabbiyi Tomas Tuxel transferni osonlashtirish uchun hujumchiga shaxsan qo‘ng‘iroq qildi, deb xabar beradi The Telegraph.
Angliya chempionlari o‘z hujumchisini 60-70 million yevroga baholagan. Tomonlar bo‘lajak transfer bo‘yicha ilk muzokaralarni boshlab yuborishgan.
27 yoshli angliyalik futbolchi o‘tgan mavsumda barcha turnirlarda 47ta o‘yinda maydonga tushib, 17ta gol urdi va 9ta golga assistentlik qildi.
Oldinroq Tuxel yozda 6 nafar yangi futbolchi olmoqchi ekani haqida xabar berilgandi.
