"Empoli" yarim himoyachisi Kristian Asllani "Inter"ga o‘tadi, deya xabar beradi jurnalist Nikolo Shkira.

Manbaning xabariga ko‘ra, futbolchi hozir tibbiy ko‘rikdan o‘tmoqda. U bilan 2027 yilgacha mo‘ljallangan, yiliga 1,2 million yevro maosh bilan shartnoma tuzilgan. Futbolchi "ilonlar" safiga to‘rt million yevro evaziga ijaraga o‘tadi va bir mavsumdan keyin 10 million yevroga sotib olinadi.

Asllani "Empoli" tarbiyalanuvchisi hisoblanadi. U o‘z jamoasi uchun barcha turnirlarda 27 ta o‘yin o‘tkazib, bitta gol urdi va ikkita golli uzatmani amalga oshirdi.