OFK kubogi "E" guruhida ertaga 3-tur bahsi bo‘lib o‘tadi. Turkmanistonning "Oltin asr" klubi bosh murabbiyi Yazguli Xo‘jageldiyev "So‘g‘diyona"ga qarshi o‘yin oldidan o‘z fikrlar bilan o‘rtoqlashdi.
"Ertaga "So‘g‘diyona" durang uchun maydonga chiqadi deb o‘ylamayman. Ular g‘alaba uchun o‘ynashadi. Raqib qanday taktikada o‘ynashiga ishonchim komil emas. Buni ertaga ko‘ramiz.
"So‘g‘diyona"ning SSKA bilan o‘yinini tahlil qildik. Ularning kuchli va kuchsiz jihatlarini o‘rgandik. Bu o‘yinga o‘z rejamiz bor. O‘yinga yaxshi tayyorgarlik ko‘rdik.
Bizda chempionat hali boshlanmadi. Shu bois, ko‘p gol ura olmayotgandirmiz. Ammo ko‘p vaziyat yaratyapmiz. Bu yaxshi", — dedi Xo‘jageldiyev.