Madridning “Real” klubi qanot hujumchisi Marko Asensio jamoani tark etmoqchi.
Sport.es xabariga ko‘ra, futbolchi "Real Madrid"da oladiganidan ham ko‘proq maosh oladigan jamoa topmoqchi. 26 yoshli yarim himoyachi Qatarda bo‘lib o‘tadigan JCH-2022 oldidan muntazam ravishda asosiy tarkibda o‘ynamoqchi.
Biroq, xabarlarga ko‘ra, klublar 40 million yevrolik transfer va yiliga 7 million yevro atrofidagi maosh talablarini qondirishni istamayapti.
Avvalroq Asensioga "Arsenal", "Chelsi", "Milan" va "Liverpul" klublari qiziqayotgani haqida xabarlar tarqalgan edi.
2021/22 yilgi mavsumda ispaniyalik futbolchi “Real” safida 42 ta o‘yinda maydonga tushib, 12 ta gol urdi va 2 ta golli uzatmani amalga oshirdi. Transfermarkt.com portali futbolchini 40 million yevroga baholamoqda, uning klub bilan shartnomasi 2023 yilning iyun oyi oxirigacha amal qiladi.
