Мадриднинг “Реал” клуби қанот ҳужумчиси Марко Асенсио жамоани тарк этмоқчи.
Sport.es хабарига кўра, футболчи "Реал Мадрид"да оладиганидан ҳам кўпроқ маош оладиган жамоа топмоқчи. 26 ёшли ярим ҳимоячи Қатарда бўлиб ўтадиган ЖЧ-2022 олдидан мунтазам равишда асосий таркибда ўйнамоқчи.
Бироқ, хабарларга кўра, клублар 40 миллион евролик трансфер ва йилига 7 миллион евро атрофидаги маош талабларини қондиришни истамаяпти.
Аввалроқ Асенсиога "Арсенал", "Челси", "Милан" ва "Ливерпуль" клублари қизиқаётгани ҳақида хабарлар тарқалган эди.
2021/22 йилги мавсумда испаниялик футболчи “Реал” сафида 42 та ўйинда майдонга тушиб, 12 та гол урди ва 2 та голли узатмани амалга оширди. Transfermarkt.com портали футболчини 40 миллион еврога баҳоламоқда, унинг клуб билан шартномаси 2023 йилнинг июнь ойи охиригача амал қилади.
