“Chelsi” vingeri Xakim Ziyesh faoliyatini “Milan”da davom ettirishi mumkin. Jurnalist Fabrisio Romano xabariga ko‘ra, o‘tgan haftadan beri "Milan" futbolchining transferi borasida "Chelsi" bilan bevosita aloqada.
Qayd etilishicha, 29 yoshli marokashlik futbolchi klubga o‘tishga tayyor.
Avvalroq, milanliklar ijara uchun 5 million yevro to‘lashga tayyor ekani xabar qilingandi.
2021/22 yilgi mavsumda yarim himoyachi barcha musobaqalarda 44 ta o‘yinda 8 ta gol urdi va 6 ta golli uzatmani amalga oshirdi.