"Bryugge" bilan shartnomasi yakunlangan hujumchi Bas Dost faoliyatini Niderlandiyada davom ettiradi.

33 yoshli niderlandiyalik futbolchi "Utrext"ga tekinga ko‘chib o‘tdi. U niderland klubi bilan bir yillik shartnoma imzoladi.

U avvalroq o‘z mamlakatida “Xerenven”, “Xerakles” va “Emen” klublarida o‘ynagan. Shuningdek, terma jamoa safida 18 ta o‘yinda maydonga tushib, 1 ta gol urishga erishdi.

O‘tgan mavsumda Dost “Bryugge” safida barcha musobaqalarda 35 ta o‘yinda maydonga tushib, 14 ta gol urdi.