OFK kubogida muxlislarimizni xushnud etayotgan Jizzaxning «So‘g‘diyona» klubi pley-off yo‘llanmasini hal qilganidan xabaringiz bor.
Ushbu g‘alabalarda Ulug‘bek Baqoyevning xizmatlari katta. Murabbiy har bir o‘yinda kerakli o‘zgarishlarni amalga oshirmoqda. Xususan, bir qiziq fakt e’tiborimizni tortdi.
Ulug‘bek Baqoyev OFK kubogi uchrashuvlaridan oldin matbuot anjumanlarida bir nafar futbolchisi bilan ishtirok etdi. Qizig‘i:
Birinchi anjumanga Jasur Hasanov kirdi va Neftchi bilan o‘yinda 2 ta golli uzatma berdi;
Ikkinchi anjumanga Shohruz Norxonov kirdi va SSKA bilan o‘yinda 2 ta gol urdi;
Uchinchi anjumanga Javohir Qahramonov kirdi va Oltin asr bilan o‘yinda gol urdi.
