Yarim himoyachi Pol Pogba va hujumchi Anxel Di Mariya tez orada "Yuventus"ga o‘tadi, deya xabar beradi jurnalist Fabrisio Romano.
Manbaga ko‘ra, Turin klubi kelasi hafta 29 yoshli fransiyalik va 34 yoshli argentinalik futbolchining transferlarini e’lon qiladi. Har ikki futbolchi jamoaga erkin agent sifatida qo‘shiladi.
Di Mariya o‘tgan mavsumda "PSJ" safida 31 ta o‘yinda maydonga tushib, 5 ta gol urdi va 9 ta golga assistentlik qildi. Pogba “Manchester Yunayted” safida 27 ta o‘yinda maydonga tushib, 1 ta gol va 9 ta golli uzatmaga mualliflik qilgan.
